Langeland skule

Infoheftet inneheld ei samling informasjon frå skulen ved skulestart august 2010. Dette infoheftet blir laga berre ein gong i året, så det kan vera smart å følgje med her på nettsidene også, for dei siste oppdateringane. Last ned infoheftet: Infohefte1011

VIKTIG: Alle føresette får papirutgåva av infoheftet med «ranselpost»  anten torsdag 26. eller fredag 27. august. Saman med infoheftet får de eit ark med avtalar som skal underskrivast og kontaktinformasjon som skal oppdaterast. Det er viktig at me får dette tilbake allereie på tysdag 31. august.

På førehand takk!

Øyvind Nordlie, rektor

Foreldreutvalet for grunnskulen, FUG, har ei veldig god nettside der du finn informasjon om foreldre sine rettar og moglegheiter i samarbeid med skulen.

Oversikt over materiell du kan lasta ned finn du her.

Brosjyra er gitt ut av Utdanningsdirektoratet og gir ei grei innføring i kva for lovreglar og rettar elevar og føresette har når det gjeld fysisk og psyko-sosialt arbiedsmiljø. Last ned: Elevane_sitt_skolemiljo_nynorsk

• Skulestart for alle onsdag 18. august.
• Nye førsteklassingar startar 9:00 i mediateket. De finn inngangen til mediateket innst i skulegarden til høgre for administrasjonsfløyen (den med klokke på, midt i biletet).
• Alle andre elevar startar til vanleg tid 8:30.
• Alle sluttar som vanleg. Oppdaterte ringetider finn du her, legg merke til at 3. steget har fått ein time meir undervisning i veka.
• SFO er ope frå og med 18. august. For dei som har full plass, opnar SFO kl 6:45 og morgonen og stenger kl 16:15 om ettermiddagen.
• Alle får plass på SFO. Har du søkt, men ikkje fått brev med stadfesting, ta kontakt med sekretær Mai Britt Berentzen eller SFO-leiar Bjarte Sørestrand. Me finn ei løysing, ikkje noko problem!
• Tilsette, lærlingar og praktikantar har planleggingsdagar frå mandag 16. august av.

Skuleruta hausten 2010

•  18. aug: Første skuledag, møt 8:30
• 11.-15. okt: Haustferie
• 12. nov: Planleggingsdag
• 21. des: Siste skuledag før jul.
• 3. jan: Første skuledag, møt 8:30

Hjartleg velkomne til nytt skuleår! – Helsing rektor

Torbjørn Røssland er ny lærar på sjuande steg. Han skal også vere musikklærar for fleire klasser.  Me har intervjua han over epost, slik at du kan bli litt kjend med han på førehand.

Kvifor ynskjer du å jobba som lærar ved nettopp denne skulen?

Eg vaks opp på Stord, men har budd vekke frå øya dei siste 10 åra. Tida kjentes no moden for å venda tilbake til Vestlandet, og då var jobb på Langeland skule eit bra valg. Skulen har eit flott musikkorps som eg skal få æra av å dirigera. Eg er nemleg utdanna musikar i tillegg til å vera utdanna lærar, så då passar ein slik kombinasjon perfekt.

Kan du seia litt om kva du har jobba med tidlegare?

Samstundes som eg studerte til å bli lærar ved HSH jobba eg som dirigent både i Sagvåg skulekorps og Huglo skulekorps. Etter denne perioden flytta eg til Oslo for vidare studier ved Norges Musikkhøgskole. Her studerte eg 4 år for å bli utøvande musikar på hovudinstrumentet mitt euphonium. Ved sida av studiet arbeida eg som dirigent og freelansmusikar.

Etter eitt år med vidareutdanning i Tromsø var eg heldig å vinna eit prøvespel som musikkoffiser i Forsvarets Stabsmusikkorps. Eg jobba då som fulltidsansatt musikar i 2 år.

Dei siste to åra har eg jobba som kontaktlærar ved Hasle skole i Oslo.

Kva likar du å gjera når du ikkje jobbar?

I tillegg til å vera interessert i musikk er eg og veldig glad i laga mat, så heime er eg ein ivrig hobbykokk som liker å eksperimentera med nye rettar. Eg liker og å trena og fiska. 

(ØN/TR)

Dette skuleåret (-10/11) er eg klasselærar for 2B.

Eg kan kontaktast på tlf 91153416 eller 54311564 (på kveldstid)

E-postadr.: brita.bjoerlykke@stord.kommune.no